شعب ناقص

شعــب ناقــــص

Walk Like An Egyptian

باختصار وبكل بساطه احنا شعب ناقص

طبعا في ناس فكيكه شويه هتقول ده اكيد هيتكلم عن اننا لما بنسمع ان واحده اغتصبوها ولاهتكوا عرضها بنرمي اللوم عليها او بنعايرها .. او لما بنشوف واحده بتتسحل وبيقلعوها نقول ايه اللي نزلها ومخلهاش تلبس تقيل .. او لما نلاقي الجيش بيسحل وبيموت في ناس نقولوا دول شويه عيال صيع ونسمع كلام الحكومه ونقنع نفسنا انهم عيال بت كلب بالمبررات اللي هما مدينها لينا “زي انهم بيخربوا وبيقطعوا الطريق وبيبيعوا مخدرات والحوارات الحلوه دي” .. وحاجات كتير زي دي بقت تحصل للاسف ..فمعلش يامعلم الكلام ده بيحصل وحاجه اقل ما يتقال علي اللي بيعملها انه ناقص بس ده مش موضوعنا

في حاجات كتير اوي بتحصل وبنشوفها كل يوم وبتبين ان كل الشعب المصري بلا استثناء عنده عقده نقص – او زي مانا بقول “ناقص” – وهقولكوا علي شويه منهم.

يعني مثلا …لما تلاقي حاجه جايه عليك من بعيد كلها نور ملون وبتمشي بطريقه لولبيه لدرجه انك تحس ان كلام الناس بتاعه امريكا صح وان في كائنات فضائيه وانك شايف طبق طاير دلوقتي وسامع منه دوشه جامده تفتكرها صوت الموتور ويطلع صوت مهرجان وتكتشف ان دي فزبا وعيل راكبها وماليها نور ومعلي الكاسيت وماشي يتمرجح .. فده اكيد مش بيروشن الفزبا بتاعته ولا عشان بيحب الصوت العالي لكن عشان يلفت نظر الناس ويقول انا جدع انا كل الناس بتبصلي.. عشان يعوض احساسه بالضأله واحساسه بالنقص

او مثلا .. لما تلاقي واحد مسقط البنطلون ومبين البوكسر واللي تحت البوكسر واللي بين اللي تحت البوكسر ولابس هدوم عليها ترتر وحزام بينور ونضاره شمس واكله نص وشه ومطول ومفلفل شعره ده يبقي ايه ؟ موضه مثلا؟ لا هو بكل بساطه بيلبس كده عشان عاوز يلفت النظر وبيفرح لما الناس بتبصله عشان هو عنده احساس بقله اهتمام الناس بيه وصله لاحساس بالنقص

او مثلا .. تبقي قاعد في المشروع “الميكروباص” وتلاقي اللي وراك بيتكلم في التليفون بصوت عالي وعمال يحكي ازاي السفريه بتاعه فرنسا كانت حلوه وازاي ان الفرنسيات هجموا عليه وكانوا هايغتصبوه لما عرفوا انه مصري ومغامرات كتير اغرب من مغامرات سوبر هنيدي وتقول اكيد بيرسم نفسه قدام مزه حلوه قاعده جمبه وتلاقي المشروع كله رجاله ومناظرها غلط .. فده برضوا عشان يحسس الناس انه جامد ويعوض عقده النقص اللي جواه

او مثلا … تبقي بتكلم المزه بتاعتك كل يوم زي الفل وبتنزل معاها ومدلعها هدايا والذي منه ووانت معاها في مطعم وبتاكلوا اكله بنص مرتبك تلاقيها مره واحده بتقولك تعبانه الحقني وبتعمل ميته وتروح بيها اقرب مستشفي والدكتور يقولك دي صحتها احسن مني ومنك وبتستعبط وتمسك نفسك بالعافيه انك تديها فانوس”كشاف” يفش غليلك وتقول في عقل بالك معلش اهو دلع بنات .. فده برضوا مش دلع دي محاوله للفت النظر والانتباه وجي من احساس عندها بالنقص

وزي حاجات كتيراوي بنشوفها وبنقابلها وكمان بنعملها كل يوم من غير ما ناخد بالنا بس كلها بتثبت ان معظم السلوكيات الغريبه في مصر جايه من عقده نقص .. ومش هتتحل غير لما كل واحد فينا يتحط في مكانه الصح او يعمل الحاجه اللي هو بيحبها او يعمل اي حاجه تزود ثقته بنفسه وتخليه حاسس بقيمته .

Topic by.  teMraz

http://facebook.com/temraz
http://twitter.com/temrazzz

Caricature by.  Amr Shaltout

http://www.facebook.com/knight.am

Walk Like An Egyptian

Posted on December 29, 2011, in نقد ساخر and tagged . Bookmark the permalink. 15 Comments.

  1. اللع يعنن عليك اأأأأ زاحبي ….. بز في كائنات فضائية بردو

  2. shokran ya kbeer

  3. كلامك كله صح اعتراضى علىيك بس انك بتقول ان الشعب كله ناقص بلا استثناء لأ مش كله أكيد فى ناس مش بالمواصفات الى انت بتقولها دى

    • انا شايف انها عند كل الناس بس بنسب .. زي ما البارانويا والشيزفرونيا عند كل الناس بس بنسب برضوا

  4. هو مجاز يعني عن الأغلبية !

  5. عصام احمد

    اسلوب التعليم
    اهتزاز الثقة
    قلة الطموح
    كلها اسباب وضعتنا فى مأزق
    ورغم ان النقص سنة كونية فى خلق الله
    الى ان معظم البشر لايقوى على مواجهة تلك الحقيقة
    ———–
    عصام

  6. جامد أوى التوبيك دا يا زاعبى

  7. الشعب فعلا كله ناقص مافيش حد كامل فى الدنيا الكمال لله
    بس الاحسن ان الواحد يعرف ايه هى الحته اللى فيه بتحسسه بكدا ويحاول يعدلها
    ومش الشعب بس اللى ناقص الدنيا كلها كدا ع فكره

  8. I love this one awi (:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: